Euskarak Europan utzitako aztarnak aztertuko dituzte
Izan ote zen ama hizkuntzarik Europan? Euskarak Europako toponimia zati bat ulertzeko aukera ematen al digu?». Euskararen Jatorria elkarteak urteak daramatza galdera horien inguruko hausnarketa egiten, eta aurten, 12. aldiz antolatutako jardunaldietan, euskarak Europan zehar utzitako arrastoaz arituko dira. Gaur egungo teknologia aurreratua baliatuz, Euskal Herriko zein Europako toponimiaren azterketa zehatza proposatuko dute bertan bildutako hamalau adituk Euskara Europako ama hizkuntza topaketan. Gaur elkartuko dira, Elgoibarko (Gipuzkoa) Aubixa aterpetxean.
