"Ongietorri euskararen herrira" aurkeztu dute Fiturren

Euskararen biziraupenerako gune garrantzitsua da Urola Kosta eskualdea eta turistikoki ere potentzial handia daukan eremua da. Hala, bi ezaugarri horiek aprobetxatu eta "Ongietorri euskararen herrira" proiektua jarri dute abian Gipuzkoako Foru Aldundiak, Urola Kostako Udal Elkarteak, Aiako, Getariko, Orioko, Zarauzko eta Zumaiko udalek eta UEMAk. Proiektuaren helburua bikoitza da, batetik, euskara amu turistiko modura garatzea eta bisitariei herri euskaldun batean egotearen esperientzia eskaintzea eta, bestetik, bertako herritarrak euskaraz egitearen garrantziaz sentsibilizatzea. Proiektu turistiko berria Fiturren aurkeztu dute.

Informazio iturria:https://www.gipuzkoa.eus/es/web/hizkuntzaberdintasuna/-/-ongietorri-euskararen-herrira-aurkeztu-dute-fiturren-