Eskuak xaboiarekin garbitu koronabirusaren aurka

Zergatik eskuak xaboiarekin garbitzea hain eraginkorra da koronavirusaren aurka?

Birusak izaki mikroskopiko oso partikularrak dira: ugaldu ahal izateko giza zelulen barruan sartu beharra dute. Bakarrik ezin dute. Zelulen barruan dagoen makineria behar dute beren buruaren kopiak egiteko.

Imagen

Koronabirusa 3 elementuz osatuta dago:

1) Material genetikoa (RNA izeneko "jarraibideen eskuliburua")

2) Giza zeluletara eta beste prozesu batzuetara "lotzeko" baliagarriak diren proteina batzuk.

3) Gantz-bilgarri bat (mintz bat), dena babesten duena.

Imagen

Eta hemen xaboiaren magia sartzen da.

Ura erakartzen duen "buru" batek eta koipea erakartzen duen "isats" batek osatzen dituzte xaboi molekulak.

Imagen

Horrela, xaboi-molekulen buztana birusaren gantz-bilgarriari lotzen zaio, eta haren egitura guztia "desegiten" du! Horregatik da, zientifikoki, xaboia koronavirusaren etsairik txarrena.

Xaboia beraz garrantzitsua da garbitzeko orduan, baina zergatik, hain zuzen ere, eskuak? Zer dute eskuek kutsatzea saihesteko?

Koronabirusa ordu batzuetan egon daiteke gorputzetik kanpo. Azaleraren ezaugarrien araberakoa da. Eguneroko bizitzan mota guztietako gainazalak ukitzen ditugu, non birusa egon daitekeen...

Birusa eskuetan badugu oraindik ez gaude kutsatuta. Birusa gorputzetik kanpo dago oraindik. Baina eskuekin sudurra, ahoa, begiak … ukitzen ditugu, eta hortik sar daiteke koronavirusa gure gorputzean. Birusa eskuetan edo aurpegiaren azalean dugula, beste norbaiti ere pasa diezaiokegu eskua ematerakoan edo musu bat ematerakoan.

Gogoratu: eskuak garbitzea aholku oso baliagarria da eta Zientzia liluragarria du atzean!

Informazio iturria: @pmarsupia 

Iruzkinak

Blog honetako argitalpen ezagunak

Filmin euskaraz

Ezekiel, ohar kritikoa.

Ohar kritikoa - Ezekiel